جزء من قصيده كتبها فؤاد حدّاد فى رثاء سلوى حجازى فى فبراير 1973
سلوى العزيزه
يا فجر تلميذه فى جناين أم
ضحكتها مسموعه وملاكها لطيف
الورد كان خايف يلاقى الخريف
قدمك عليه السعد فتح الكم
نور لك اليوم اللى غيمه خفيف
وارتاح لايدك لسه بتحضنه
لسه الولاد ما بيعرفوش يحزنوا
عيط عليكى من قديم الزمان
موال يقول الدنيا مالهاش أمان
يا مصرى فى عيونك دموع الايمان
اجرى النهار واعرق بموالك
فى المغربيه نسمه جايه لك
زيك وزيى كل بيت اجتمع
قعدت تلاغى الكل وعيالك
كان ياما كان يحلا معاها السمع
ومعاها كان قلبك يبطل قساوه
ومعاها كنا صغيرين نتساوى
وصغيرين دلوقتى نتيتم
كان عندنا فى برنامج الاسابيع
نسمة ربيع من طبعها تنسّم
صنعتها تتبسّم
يا مين يشوفك صوره تتكلم
والضهر ضلم واليهود قتلوا
سلوى العزيزة فى كل بيت
ما تندهوش اللى حضر يوم ميلادى
ما كانش فاكر راح يعيش الليله دى
وماتندهوش أمى اللى كانت تدادى
وتحمى جسمى وتعرف العلامات
ماليش ملامح زى غيرى اللى مات
وماليش صوابع ترفعوا البصمات
وماليش ايدين حبت عليها ولادى
والنسمه راحت ياللى طالب ودادى
كان ياما كان نشبه لبعض ونضحك
عيشك وملحك يا وطن فى فؤادى
وأحب أسمع والتفت للمنادى
ايه اللى وقف ساعتى اخر ميعادى
شوف السلالم لسه فاكرانى طالعه
أساير الأطفال رقيقه مطاوعه
لسانى رايق بالكلام الهادى
واحنا اجتمعنا يللا نعمل نادى
حلوين حبايب يللا نعمل عيله
هاتوا اللعب والكوره والشخليله
يللا تعالوا كلنا الناحيه دى
نسمع يا شاطر غنوة البنوته
نقعد هنا أحكى لكم الحدوته
نقف هنا صفين نغنى بلادى
يا مجمع الأطفال من القلب غنى
يا اخضر يا طير الجنه
يا كل واحد عن أخوه بيفادى
يا اخضر يا طير الجنه
أنت اللى تدن أداننا
أخضر يا روح الشهيد
ما جيت لناش من بعيد
فى كل بيت النشيد
صادق من القلب غنى
أخضر يا طاوى السنين
إلى الصباح المبين
يا نية المؤمنين
فى قلبنا ولساننا
أخضر ملاكه لطيف
دايم علينا وليف
انت اللى قمح الريف
وانت الى موعد وطننا
أخضر مع الفجر لاح
من العيون والسلاح
مصر الولاد الملاح
ومصر جندى وبنّا
أخضر وكل الجهات
متحمله فى أحضاننا
وعد الأمل والجهاد
مكتوب لجيلنا وزماننا
أخضر يا طير الجنّه
انت اللى تدن آداننا
والوطن واحد
يا فجر تلميذه فى جناين أم
ضحكتها مسموعه وملاكها لطيف
الورد كان خايف يلاقى الخريف
قدمك عليه السعد فتح الكم
نور لك اليوم اللى غيمه خفيف
وارتاح لايدك لسه بتحضنه
لسه الولاد ما بيعرفوش يحزنوا
عيط عليكى من قديم الزمان
موال يقول الدنيا مالهاش أمان
يا مصرى فى عيونك دموع الايمان
اجرى النهار واعرق بموالك
فى المغربيه نسمه جايه لك
زيك وزيى كل بيت اجتمع
قعدت تلاغى الكل وعيالك
كان ياما كان يحلا معاها السمع
ومعاها كان قلبك يبطل قساوه
ومعاها كنا صغيرين نتساوى
وصغيرين دلوقتى نتيتم
كان عندنا فى برنامج الاسابيع
نسمة ربيع من طبعها تنسّم
صنعتها تتبسّم
يا مين يشوفك صوره تتكلم
والضهر ضلم واليهود قتلوا
سلوى العزيزة فى كل بيت
ما تندهوش اللى حضر يوم ميلادى
ما كانش فاكر راح يعيش الليله دى
وماتندهوش أمى اللى كانت تدادى
وتحمى جسمى وتعرف العلامات
ماليش ملامح زى غيرى اللى مات
وماليش صوابع ترفعوا البصمات
وماليش ايدين حبت عليها ولادى
والنسمه راحت ياللى طالب ودادى
كان ياما كان نشبه لبعض ونضحك
عيشك وملحك يا وطن فى فؤادى
وأحب أسمع والتفت للمنادى
ايه اللى وقف ساعتى اخر ميعادى
شوف السلالم لسه فاكرانى طالعه
أساير الأطفال رقيقه مطاوعه
لسانى رايق بالكلام الهادى
واحنا اجتمعنا يللا نعمل نادى
حلوين حبايب يللا نعمل عيله
هاتوا اللعب والكوره والشخليله
يللا تعالوا كلنا الناحيه دى
نسمع يا شاطر غنوة البنوته
نقعد هنا أحكى لكم الحدوته
نقف هنا صفين نغنى بلادى
يا مجمع الأطفال من القلب غنى
يا اخضر يا طير الجنه
يا كل واحد عن أخوه بيفادى
يا اخضر يا طير الجنه
أنت اللى تدن أداننا
أخضر يا روح الشهيد
ما جيت لناش من بعيد
فى كل بيت النشيد
صادق من القلب غنى
أخضر يا طاوى السنين
إلى الصباح المبين
يا نية المؤمنين
فى قلبنا ولساننا
أخضر ملاكه لطيف
دايم علينا وليف
انت اللى قمح الريف
وانت الى موعد وطننا
أخضر مع الفجر لاح
من العيون والسلاح
مصر الولاد الملاح
ومصر جندى وبنّا
أخضر وكل الجهات
متحمله فى أحضاننا
وعد الأمل والجهاد
مكتوب لجيلنا وزماننا
أخضر يا طير الجنّه
انت اللى تدن آداننا
والوطن واحد
الجزء دا اهداه ليها الرائع أمين حداد -
